ម៉ានីល៖ យុទ្ធនាការឃោសនាបោះឆ្នោតនៅប្រទេសហ្វីលីពីនបានចាប់ផ្តើមកាលពីថ្ងៃអង្គារ ដោយកូនប្រុសរបស់អតីតមេដឹកនាំផ្តាច់ការហ្វី Ferdinand Marcos ជាអ្នកចាប់ផ្ដើមមុនគេ។

ជាង៣៥ឆ្នាំបន្ទាប់ពីប្រទេសនេះបានងើបចេញពីរបបផ្តាច់ការរបស់ឪពុកគាត់ ការស្ទង់មតិបានបង្ហាញថា Ferdinand Marcos Jr កំពុងឆ្ពោះទៅរកជ័យជម្នះភ្លូកទឹកភ្លូកដីនៅក្នុងការបោះឆ្នោតថ្ងៃទី៩ ខែឧសភា ខាងមុខនេះ។

ទន្ទឹមនឹងមានការគាំទ្រនោះបេក្ខជនអនុប្រធានាធិបតី Sara Duterte និងលោក Marcos Jr បានប្តេជ្ញាថានឹងបង្រួបបង្រួមប្រទេសឡើងវិញ។

លោក Marcos Jr បានប្រាប់ទូរទស្សន៍ GMA កាលពីថ្ងៃសៅរ៍ថា៖ «នេះមិនមែនជាពេលវេលា និងទីកន្លែងដែលត្រូវជជែកគ្នាអំពីប្រវត្តិសាស្រ្តរបស់ប្រទេសហ្វីលីពីននោះទេ។យើងត្រូវពិភាក្សា និងពិភាក្សាពីអ្វីដែលយើងត្រូវធ្វើនៅប៉ុន្មានឆ្នាំខាងមុខ ដើម្បីផ្តល់ការងារជូនប្រជាជនវិញ»។

គួរបញ្ជាក់ថា ការបោះឆ្នោតជ្រើសរើសប្រធានាធិបតីថ្មីនៃប្រទេសភីលីពីនគ្រោងនឹងធ្វើឡើងនៅថ្ងៃទី៩ ខែឧសភា ខាងមុខនេះ ដោយមានបេក្ខភាពប្រជែងដំណែងប្រធានាធីបតីមកពីគណបក្សនយោបាយចំនួន៦ ក្នុងនោះរួមាន លោក Leody de Guzman លោក Panfilo Lacson លោក Bongbong Marcos អតីតកីឡាករប្រដាល់ Manny Pacquiao លោក Isko Moreno និងលោកស្រី Leni Robredo៕